KLEI TRUH 17 June, 2007

Buon sang Degar nao hlam klei ur krao ti anap sang Whitehouse

Pluh dua boh edeh bus prong leh anan edeh mkan phung buon sang Degar nao hlam klei ur krao ti anap sang ma brua president USA, Whitehouse. Buon sang nao hlam klei ur krao anei koyua ti hrue 22 mlam 6 anei president Yuan Nguyen mih triet hrie ti car Amerik anei ciang mtuom hong president George Bush leh anan mplu tluin ngan dah chi mnia mong car Amerik anei.

Buon sang khua mduon, hlak ai hdeh lak, leh anan edeh lak dada dok ba ti rong ami dada dja knga ama dinu nao rue truh ti anap sang Whitehouse. Hlam bro 9 mmong aguah buon sang Degar trun mong edeh bus ebat ktue elan nao drong tuic ala dlang. Sit yoh phung tue chun (tourists) buh buon sang drei dinu dlang hong hlei bi kngar leh anan ciang thao sonak ko klei drei nao ur krao anei.

Mao lu buon sang ao ko dja hlagru Montagnard Foundation ebat nao elao hin truh ti anap sang Whitehouse. Ti anei buon sang kcuon wah lac hong klei ktang kwuh akao ko Ae Die brei klei engie ko buon sang drei, bi mtlaih buon sang drei mong klei ktu jua. Mse moh buon sang lo wah lac ko phung roh nga jhat ko drei ciang ko Ae Die ma brua hlam ai tie dinu. Buon sang drei wah lac ciang ko Ae Die ma brua hlam ai tie president George Bush leh anan knuk kna Amerik ciang ko dinu mao klei jhong ktang blu lac ko president yuan Nguyen Minh Triet hlam klei dinu kbin. Ti anei mse moh ae khua pan ko hlam brua Montagnard Foundation blu ieo mthur ko jih jang mnuih hlam lu djue ana hmu klei ur krao buon sang drei. Ti anei ae khua pan ko mblang leh anan bi edah hlam klei nu blu ko lu mta klei jhat knuk kna yuan hlak hle dok nga ko buon sang Degar drei. Mao lu phung tue chun (tourists) nao hmu klei nu blu; mao phung mkan kcuon kout wah lac mbit hong buon sang Degar drei. Lu dinu lac tol dinu wit ko buon sang dinu po, dinu sorang hun mthao leh anan akao ko phung dao mkan wah lac ko buon sang Degar drei.

Leh wah lac ti anap sang Whitehouse buon sang drei lo ebat rue nao ko anok "Bi hdor pioh" memorial) ko phung djie hlam bi blah ti Vietnam. Mse moh hlam klei ebat rue anei buon sang drei dja hlagru US leh anan hlagru MFI. Buon Degar ebat rue tuic ala dlang..

Ejai dok ti Vietnam Memorial anei ae khua pan ko lo blu ko jih jang phung arang lu mta djue ana thao hlak enuk bi blah egao mao lu phung Amerik djie ciang ko jih jang mao klei engie. Mse moh ebeh ko 100,000 Degar drei djie leh anan 85% buon sang drei yuan bi rai jih, ebeh ko 40,000 phung Degar drei nao bi blah mbit hong phung khan Amerik. Koyua drei bi blah ting Amerik anan ara anei knuk kna yuan hlak hle dok ru enua bi mdjie buon sang Degar. Ae khua pan ko kwuh akao ko president Bush leh anan knuk kna Amerik dam wor oh Degar.

Klei nao ur krai ti Whitehouse anei rue hlam bro 4 mmong tlam. Jih jang buon sang lo rue ktue elan hlam capital buon prong Washington DC anei leh anan lo wit sang tlam anan.

KLEI MIN:

Anei jing klei ur krao tal dua hlam thun anei ti Washington DC. Hlak mlan 4 mdih buon sang Degar nao ebeh ko 7 boh edeh bus nao ur krao anap sang ambassade knuk kna yuan. Hlam klei ur krao anan jing klei ur krao ko klei yuan hlak hle dok kru Degar drei hlam war mna dinu, ur krao ciang ko yuan pok phui Degar mong war mna dinu.

Epul Montagnard Foundation ma brua hong klei san asei sit suor hlam brua ciang bi edah klei ktu jua arang nga ko phung Degar drei. Kunk kna moit lu sonak knua dinu leh anan blei mun lu mnuih ciang bi rung brua MFI. Biadah brua MFI bru hrue bru ktang kjap hin.

Tui si klei cih mong hlapok phung yuan,Kur, dinu bo hong klei hen ko brua kru dinu koyuadah dinu buh buon sang drei nao hlam klei ur krao bo hong klei sa ai hgum mguop. Amao mao oh epul nao hlam klei ur krao dui nao he mse si drei ... hong elan kjap - arang lac "very well organized" "rẩt trật tự".

Ti gu elan atat mong ae khua pan ko Kok Ksor amao djo knong dum anei oh brua MFI nga. Ae khua pan ko nao hiu tar bar lu car tac engao mkan amao mdei oh ciang mtruh mtol ciang ko arang thao ko jih jang klei truh ko buon sang Degar drei ara anei.

Dam drei wor oh amao mao oh buon sang mkan jhong nao hong klei san asei kngan mang kdong hong knuk kna klin (communist) mse si Degar drei nga ti thun 2001 leh ana 2004.

DLANG RUP UR KRAO MKAN